“Sevilya”dan çətin qələbə

Futbol üzrə İspaniya La Liqasında 2-ci tura yekun vurulub.

Komanda.az xəbər verir ki, ilk oyun günündə bir qarşılaşma keçirilib. Turun açılış matçında “Betis” “Kadis”i qəbul edib. İlk turda da 1 xalla kifayətlənən bu komandalar öz aralarındakı oyundan da heç-heçə ilə ayrılıblar.

Mövsümə “Real Sosyedad” üzərində qələbə ilə başlayan “Barselona”nın budəfəki rəqibi “Atletik” olub. Kataloniya təmsilçisi bu oyundan xal itkisi ilə ayrılıb.

Madridin “Real” komandası səfərdə “Levante” ilə qarşılaşıb. Altı qolun qeydə alındığı bu oyunda qalib müəyyənləşməyib. “Atletiko” isə “Elçe”ni minimal hesabla məğlub yola salıb. “Real Sosyedad” da “Rayo Valyekano” ilə oyunda 3 xalı tək qolla qazanıb.

Sonuncu oyun günündə iki görüş baş tutub. “Osasuna” – “Selta” matçında qapılara qol vurulmayıb. “Sevilya” isə “Xetafe” ilə səfər oyununda qələbəni son anda təmin edib.

İspaniya La Liqası, 2-ci tur

20 avqust

Betis – Kadis 1:1
Qol: Xuanmi, 22 – Neqredo, 11-pen.

21 avqust

Alaves – Malyorka 0:1
Qol: Nino, 80.

Qranada – Valensiya 1:1
Qol: Suares, 16 – Soler, 88-pen.

Espanyol – Vilyarreal 0:0

Atletik – Barselona 1:1
Qol: Martines, 50 – Depay, 75.

22 avqust

Real Sosyedad – Rayo Valyekano 1:0
Qol: Oyarzabal, 68-pen.

Atletiko – Elçe 1:0
Qol: Korrea, 39.

Levante – Real 3:3
Qol: Rocer, 46. Kampana, 57. Pyer, 79 – Beyl, 5. Vinisius, 73; 85.

23 avqust

Xetafe – Sevilya 0:1
Qol: Lamela, 90+3.

Osasuna – Selta 0:0

Bombardir: Vinisius Junior (“Real”), Anxel Korrea (“Atletiko”), Erik Lamela (“Sevilya”) – 3 qol.