Qrizmann: “Növbəti mövsümdə Çempionlar Liqasını qazanmağa çalışacağıq”

“Barselona”nın futbolçusu Antuan Qrizmann Çempionlar Liqasının 1/8 final mərhələsində PSJ-yə qarşı keçirdikləri cavab oyununu şərh edib.

Komanda.az xəbər verir ki, UEFA-nın mətbuat xidmətinə danışan fransız yarımmüdafiəçi, 1:1 hesabıyla bitən görüşlə bağlı bunları deyib:

“İlk oyundan sonra yaxşı təsir bağışladıq. Xüsusilə də, ilk hissədə çoxlu qol imkanlarımız oldu, lakin dəyərləndirə bilmədik. Dörd dəfə yüz faizlik qol epizodumuz və bir uğursuz penaltimiz oldu. Bu dəfə ilk oyundan daha yaxşı oynadıq. Bütün gücümüzü meydanda ortaya qoyduq. Rəqibin qapıçısı Keylor Navas inanılmaz oyun keçirdi.

PSJ ilə matç bizə inam verdi. Başımızı qaldırıb, irəli baxmalıyıq. Düşünürəm ki, Çempionlar Liqası ilə belə erkən vidalaşmalı deyildik. Növbəti mövsümdə Çempionlar Liqasını qazanmağa çalışacağıq”.

“Barselona” iki oyunun (ilk oyun 1:4, cavab oyunu 1:1) nəticəsinə görə PSJ-yə uduzaraq, ÇL-də mübarizəni 1/8 final mərhələsində dayandırıb.