“Biz “Barselona”dan daha diqqətli olmalıyıq” – Poçettino

PSJ-nin baş məşqçisi Maurisio Poçettino Çempionlar Liqasının 1/8 final mərhələsi çərçivəsində İspaniya “Barselona”sına qarşı keçirəcəkləri cavab oyunu ilə bağlı fikirlərini bildirib.

Komanda.az xəbər verir ki, UEFA-nın mətbuat xidmətinə danışan argentinalı mütəxəssis, matçla bağlı bunları deyib:

“Futbolda əsas şey nikbinliyi qorumaqdır. Bizi maksimum diqqətli olmalı olduğumuz bir oyun gözləyir. Biz “Barselona”dan daha diqqətli olmalıyıq. Hücum edib, qələbə qazanmaq istəyirik.

Oyuna necə başlamağımız vacibdir. Bu, hər iki komandaya aiddir. Bütün diqqətimiz 90 dəqiqədə olacaq. İlk oyundakı kimi, bu dəfə də qələbə qazanıb, yolumuza davam etmək istəyirik. “Barselona”ya hörmət edirik və oyunun çətin olacağını bilirik”.

Bu gün keçiriləcək PSJ – “Barselona” matçı saat 00:00-da start götürəcək. Komandalar arasındakı ilk oyunda PSJ 4:1 hesablı qələbə qazanıb.