“Bu, futbolçuları öldürür” – Kuman

İspaniyanın “Barselona” klubunun baş məşqçisi Ronald Kuman komandanın vəziyyəti ilə bağlı açıqlama verib.

Komanda.az İspaniya mətbuatına istinadən xəbər verir ki, katalonların çıxışı ilə bağlı danışan niderlandlı mütəxəssis, sıx qrafikdən şikayətlənib:

“Hazırkı vəziyyət çətindir. Koronavirusla yanaşı üç turnirdə mübarizə aparmaq komandaların vəziyyətini daha da çətinləşdirir. Futbolçular üçün çox çətindir. Oyunların sayının bu qədər olması normal deyil. Bu qrafikdə çox zədələr yaşayacağıq. Bu, futbolçuları öldürür.

Komandanın son oyunlarından məmnunam, amma hər matç fərqlidir. Doğru yolda olduğumuzu sübut etməliyik”.