“İnter” xorvat futbolçunu transfer etməyə çalışacaq

“İnter”in baş məşqçisi Kristian Kivu yanvar transfer pəncərəsində komandasını gücləndirməyi planlaşdırır.

Komanda.az xarici KİV-ə istinadən xəbər verir ki, rumıniyalı mütəxəssis əsasən sağ cinah müdafiəçisinə ehtiyac duyur.

Son zamanlar ən çox adı çəkilən namizəd isə “Dinamo”nun (Zaqreb) oyunçusu Moris Valinçicdir. O, Kivunun diqqətini çəkib.

Valinçic Xorvatiyanın aparıcı klubu “Dinamo”da çıxış edir və ötən yay klubla uzunmüddətli müqavilə imzalayıb. “İnter” isə hazırda A Seriyasının turnir cədvəlində liderliyini qoruyur.