Sampaolini portuqaliyalıyla əvəzlədilər – rəsmi

“Santos” klubunun yeni baş məşqçisi məlum olub.

Komanda.az xəbər verir ki, Braziliya təmsilçisinin “sükan”ı Jezualdo Ferreyraya tapşırılıb. Bu barədə klubun rəsmi saytı məlumat yayıb. 73 yaşlı mütəxəssislə mövsümün sonuna qədər müqavilə imzalanıb.

Karyerası ərzində “Portu”, “Benfika”, “Sportinq”, “Malaqa”, “Əl Sədd” kimi komandaları çalışdıran Ferreyra, “Santos”da baş məşqçi postunda Xorxe Sampaolini əvəzləyib.

Ferreyra “Santos”un tarixində ilk portuqaliyalı baş məşqçi olub.