Etiraf: “Liverpul”un qələbəsi “Tottenhem”ə kömək edib

Çempionlar Liqasının yarımfinal mərhələsinin cavab oyunları çərçivəsində səfərdə “Ayaks”a 3:2 hesabı ilə qalib gələn “Tottenhem”in futbolçusu Denni Rouz açıqlama verib.

Komanda.az İngiltərə mətbuatına istinadən xəbər verir ki, 28 yaşlı futbolçu, “Liverpul”un “Barselona”ya qalib gəlməsinin onlara təsir etdiyini deyib:

“İlk oyun bizim üçün xəyal qırıqlığı idi, amma bu gecə inanılmazı bacardıq. “Liverpul”un “Barselona” ilə oyununu izləmişdik və o oyunda final fitinə qədər hər şeyin ola biləcəyini gördük. Matçdan əvvəl baş məşqçimiz Maurisio Poçettino da bizə bu oyundan danışdı. Biz də sona qədər mübarizə aparmağımızın lazım olduğunu bilirdik”.