“Qarabağ”ın rəqibi Barkola üçün 100 milyon avro ödəməyə hazırdır

PSJ-nin yarımmüdafiəçisi Bredli Barkola İngiltərə Premyer Liqasında çıxış edə bilər.

Komanda.az “Fichajes”-ə istinadən xəbər verir ki, 23 yaşlı oyunçu ilə “Liverpul” maraqlanır.

Mersisayd klubunun rəhbərliyi Barkola üçün təxminən 100 milyon avro ödəməyə hazırdır. “Qırmızılar” onu misirli hücumçu Məhəmməd Salahın əvəzinə heyətə qatmağı planlaşdırır.

Fransalı futbolçu 2023-cü ilin yayından PSJ-də çıxış edir. Onun klubu ilə müqaviləsinin müddəti 2028-ci ilin yayına qədərdir.

“Liverpul” “Qarabağ”ın UEFA Çempionlar Liqasındakı rəqiblərindən biridir.