Portuqaliya millisinin üzvü Bundesliqada klubunu dəyişdi

Almaniyanın “Şalke” klubu heyətini yeni futbolçu ilə gücləndirib.

Komanda.az xəbər verir ki, Bundesliqa təmsilçisi “Ayntraxt”ın və Portuqaliya yığmasının hücumçusu Qonsalo Pasiensiyanı heyətinə qatıb.

26 yaşlı futbolçu Frankfurt təmsilçisindən bir illik icarəyə götürülüb. O, yeni komandasında 18 nömrəli formanı geyinəcək.

“Portu”nun yetirməsi olan Pasiensiya 2018-ci ildə “Ayntraxt”a transfer olunub. Lakin tez-tez zədələrlə üzləşən futbolçu bu komandada möhkəmlənə bilməyib. Hücumçu “Portu”da olarkən icarə əsasında “Akademika”, “Olimpiakos”, “Rio Ave” və “Vitoriya Setubal”da icarədə də oynayıb.

Bizi Telegramda izləyin

Bizi Facebook-da izləyin

Əlaqəli yazılar

Back to top button