Novruzovun komandası 3 xalı tək qolla qazandı

Futbol üzrə Moldova çempionatında 22-ci turun oyunları keçirilib.

Komanda.az xəbər verir ki, azərbaycanlı futbolçu Nurlan Novruzovun formasını geyindiyi “Dinamo-Avto” da növbəti matçına çıxıb.

Sözügedən kollektiv səfərdə “Kodru” ilə qarşılaşıb. Futbolçumuzun komandası bu oyundan qələbə ilə ayrılıb – 1:0.

Nurlan bu oyunun iştirakçısı olmayıb. Azərbaycanlı futbolçu sonadək ehtiyatda qalıb.

“Dinamo-Avto” 22 oyuna topladığı 28 xalla 8 komanda arasında 5-ci pillədə qərarlaşıb.