“Neftçi”dən ayrılan futbolçu Özbəkistan klubuna keçdi

“Neftçi”dən ayrılan Aleks Fernandesin yeni klubu bəlli olub.

Komanda.az xəbər verir ki, braziliyalı yarımmüdafiəçi karyerasını Özbəkistanda davam etdirəcək. Müqavilə ilə Rusiyanın “Baltika” klubuna məxsus olan vinger “Navbahor”a keçib.

Cənubi amerikalı futbolçu ilin sonunadək Namanqan klubunda icarə əsasında oynayacaq.

Azərbaycanda da icarə əsasında çıxış etmiş 23 yaşlı futbolçu “ağ-qaralar”ın heyətində 16 oyunda 1 qolla yadda qalıb.