“Neftçi” Tovuza yollandı

“Neftçi” Azərbaycan Premyer Liqasının 25-ci turunda qarşılaşacağı “Kəpəz”lə matçın hazırlığını başa vurub.

Komanda.az xəbər verir ki, “ağ-qaralar” bu gün “Neftçi” Futbol Mərkəzində oyunöncəsi son məşqinə çıxıb.

Hazırlıq prosesindən sonra komanda üzvləri Tovuza yola düşüblər. Futbolçu Andrey Ştoqrin zədə səbəbindən “Kəpəz”lə görüşü buraxacaq.

Martın 5-də Tovuz şəhər stadionunda keçiriləcək “Kəpəz” – “Neftçi” oyunu saat 17:00-da başlanacaq.