“Neftçi” argentinalı müdafiəçini istəyir

“Neftçi” argentinalı müdafiəçi ilə maraqlanır.

Komanda.az xəbər verir ki, “ağ-qaralar” “Universitatye”dən (Kluj) ayrıldıqdan sonra azad agent olan Lukas Masoeronı heyətinə qatmaq istəyir. Amma bu keçid Bakı klubu üçün asan olmayacaq. 

GSP nəşrinin məlumatına görə, 30 yaşlı müdafiəçi ilə “Qaziantep”, “Fatih Karagümrük”, “Gənclərbirliyi”, “Baniyas”, “Əl-Dafra” klubları da maraqlanır.

Masoero başa çatan mövsümdə 36 oyunda 6 qol vurub, 1 məhsuldar ötürmə edib. O, karyerası ərzində “İndependyente Rivadaviya”, “Deportivo Maipu” (hər ikisi Argentina), “Lokomotiv” (Plovdiv, Bolqarıstan), “Nijniy Novqorod” (Rusiya) klublarında da oynayıb.