Nəzəriani Zaqrebdə çempion oldu

Xorvatiyanın paytaxtı Zaqrebdə çimərlik güləşi üzrə Dünya Seriyasının final mərhələsi keçirilib.

Komanda.az xəbər verir ki, ilk yarış günündə qrup mərhələsinin görüşləri keçirilib.

Oyan Nəzəriani (+90 kq) Serbiya təmsilçilərinə – Sabolk Horvat və Dorde Pesuta 3:0 hesabıyla qalib gələrək yarımfinala yüksəlib.

İkinci yarış günündə həlledici qarşılaşmalar keçirilib. Təmsilçimiz yarımfinalda gürcü Mamuka Kordzaya (1:0), finalda isə yunan Yannis Karqiotakis (3:0) üzərində qələbə qazanaraq çempion olub.