Abbasov yenidən legioner həyatı yaşayacaq

Azərbaycan millisinin sabiq hücumçusu Mirabdulla Abbasov yenidən legioner həyatı yaşayacaq.

Komanda.az xəbər verir ki, 30 yaşlı forvard Qırğızıstanda oynayacaq. O, “Abdış-Ata” klubu ilə müqavilə imzalayıb.

“Neftçi”nin keçmiş hücumçusu artıq ictimaiyyətə təqdim edilib.

Mirabdulla vaxtı ilə Latviyada “Dauqavpils”də oynayıb. O, bundan başqa, “Sumqayıt”, “Səbail” və “İrəvan” klublarının formasını geyinib.