“Mançester Siti” 17 yaşlı futbolçunun transferini tamamlayır

İngiltərənin “Mançester Siti” klubu heyətini yeni futbolçu ilə gücləndirir.

Komanda.az İngiltərə mətbuatına istinadən xəbər verir ki, “şəhərlilər” Argentinanın “Estudiantes” klubundan Dario Sarmientonun transferini tamamlamaq üzrədir. İngiltərə klubunun bu keçid üçün qarşı tərəfə 9 milyon avro ödəyəcəyi bildirilir. Bonuslarla birlikdə, 17 yaşlı futbolçunun transferinin ümumi dəyəri isə 19 milyon avro olacaq.