“Kriştiano Ronaldonu “Barselona”ya transfer etmək üçün ən doğru zamandır”

“Barselona”nın prezidentliyinə keçmiş namizədlərdən olan Toni Freixa maraqlı açıqlama verib.

Komanda.az İspaniya mətbuatına istinadən xəbər verir ki, Freixa, hazırda “Mançester Yunayted”də forma geyinən Kriştiano Ronaldonu “Barselona”ya transfer etmək üçün ən doğru zaman olduğunu deyib:

“Kriştiano Ronaldonu “Barselona”nın futbolçusu etmək çılğınlığını həyata keçirmək üçün ən doğru zamandır”.

Ronaldonun “Mançester Yunayted” növbəti mövsümdə Çempionlar Liqasına qatıla bilməyəcəyi halda, klubdan ayrılacağı iddiaları var.

Portuqaliyalı hücumçunun 12 il sonra geri döndüyü Mançester komandası ilə çıxdığı 12 oyunda 9 qolu, bir məhsuldar ötürməsi var.