Fransadan 3 bürünc medalla

Fransanın Sen-Loran-dü-Var şəhərində çimərlik güləşi üzrə dünya seriyasının 3-cü mərhələsi baş tutub.

Komanda.az xəbər verir ki, iyulun 1-2-də keçirilən yarışda ölkəmizi baş məşqçi Oyan Nəzərianinin rəhbərliyi altında Ramiz Həsənov (70 kq), Omid Kamaliaqdam (80 kq) və İbrahim Yusubov (90 kq) təmsil edib. Güləşçilərimizin üçü də turnirin bürünc medalına sahib çıxıb.

Dünya seriyasının 4-cü mərhələsi iyulun 9-10-da Yunanıstanın Katerini şəhərində keçiriləcək.