DÇ-2022: “Mən İspaniyanı qınamıram” – Flik

Almaniya millisinin baş məşqçisi Hans-Diter Flik komandanın DÇ-2022-nin qrup mərhələsinin üçüncü turunun Kosta Rika ilə görüşünü (4:2) dəyərləndirib.

Komanda.az xarici KİV-ə istinadən xəbər verir ki, o, məyus olduğunu və şansları dəyərləndirə bilmədiklərini bildirib:

“Çox məyusam. Mən İspaniyanı qınamıram. Heç vaxt başqa komandaları günahlandırmıram. Səhv bizdədir. Kifayət qədər şansımız var idi. Xüsusən, Yaponiya ilə matçda. Həmçinin, İspaniyaya qarşı oyunun sonlarında belə imkanlarımız oldu”.

Flik müdafiə xətti haqda da danışıb:

“Biz oyunçuları daha da inkişaf etdirməliyik. Neçə illərdir ki, daha güclü müdafiəçilərə ehtiyacımız var. Müdafiə Almaniya futbolunu fərqləndirir”.

Almaniya millisi E qrupunu üçüncü sırada tamamlayıb və DÇ-2022 ilə erkən vidalaşıb.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button