Geryedən yeni klubunda uğurlu debüt

Bir müddət əvvəl “Qarabağ”dan ayrılaraq Kiprin “Apollon” klubuna keçən Donald Gerye yeni komandasında debüt oyununda qol hesabını açıb.

Komanda.az xəbər verir ki, haitili cinah müdafiəçisi Kipr çempionatının 26-cı turunun “Enosis”lə matçında (2:1) qol vurub. Qarşılaşmanın 67-ci dəqiqəsində meydana daxil olan Gerye, 69-cu dəqiqədə topu başla rəqib qapısından keçirib. Haitili oyunçu iki dəqiqə sonra sarı vərəqə ilə cəzalanıb.

Gerye fevralın 9-da “Apollon”la rəsmi müqavilə imzalamışdı. Limasol təmsilçisi Kipr çempionatında 26 turdan sonra 54 xalla 3-cü sıradadır.