Azərbaycan yığması Şimali İrlandiyaya da uduzdu

Azərbaycanın 19 yaşadək futbolçulardan ibarət millisi Avropa çempionatının seçmə mərhələsində Şimali İrlandiyaya məğlub olub.

Komanda.az xəbər verir ki, B Liqasının 6-cı qrupunda yer alan U-19 rəqibinə 1:2 hesabı ilə uduzub.

Matç Litvanın Kaunas şəhərindəki “Raudondvario” stadionunda keçirilib.

İlham Yadullayevin baş məşqçisi olduğu Azərbaycan millisi ilk görüşdə meydan sahibi Litvaya uduzub – 0:4.