Bundesliqa klubunda 4 illik müqavilə

“Ayntraxt” icarə əsasında komandada çıxış edən Filip Kostiçin transfer hüquqlarını satın alıb.

Komanda.az xəbər verir ki, bu barədə Frankfurt təmsilçisinin rəsmi saytı məlumat yayıb. Serbiyalı yarımmüdafiəçi ilə 2023-cü ilin yayına kimi müqavilə imzalanıb.

“Ayntraxt”ın mövsümün əvvəlində “Hamburq”dan icarəyə götürdüyü Kostiç, Bundesliqada 33 qarşılaşmada iştirak edərək, 6 qol vurub və 11 məhsuldar ötürmə edib.