Arsen Vengerdən “Real” etirafı

“Arsenal”la yollarını ayırdıqdan sonra başqa klubda çalışmayan Arsen Venger açıqlama verib.

Komanda.az İspaniya mətbuatına istinadən xəbər verir ki, 69 yaşlı mütəxəssis, 2009-cu ildə “Real”ı çalışdırmaqdan imtina etməsinin səbəbini açıqlayıb:

“Həmin vaxt “Arsenal”dan ayrılmaq üçün doğru zamanın olmadığını düşündüm. Komanda olaraq yenidən formalaşırdıq və bunu inkişaf etdirirdik”.

Fransalı mütəxəssis, hazırda “Real”ın baş məşqçisi olmaq istəyib-istəməməsi ilə bağlı suala belə cavab verib:

“Sizə cavab verə bilmərəm, çünki gələcəkdə nə olacağını bilmirəm”.

Venger, Çempionlar Liqasının 1/8 final mərhələsində “Atletiko” – “Yuventus” cütünün favoriti haqqında suala, “Bu il Çempionlar Liqasının finalı “Atletiko”nun meydanında olacaq. Onlar üçün bu ilin xüsusi olmasına baxmayaraq, “Yuventus”u cütün favoriti görürəm” cavabını verib.