AFFA divizion klubunu cərimələdi – hakimlərə isti su vermədiyi üçün

Bu gün AFFA İntizam Komitəsinin iclası keçirilib.

Komanda.az xəbər verir ki, iclasda 1-ci divizionun 12-ci turunun oyunları ilə bağlı aşağıdakı qərarlar qəbul olunub:

1-ci divizionun 12-ci turunun “Sabah-2” – MOİK oyununda “Sabah-2” klubunun 4 futbolçusu sarı vərəqə ilə cəzalandığı üçün klub 80 manat cərimə olunur;

12-ci turun “Zaqatala” – “Kəpəz” oyununda “Zaqatala” klubunun 4 futbolçusu sarı vərəqə ilə cəzalandığı üçün klub 80 manat cərimə olunur;

“Kəpəz” klubunun 4 futbolçusu sarı vərəqə ilə cəzalandığı üçün klub 80 manat cərimə olunur;

“Zaqatala” – “Kəpəz” oyununda meydança vaxtında sulanmadığı üçün meydan sahibi klub 80 manat cərimələnir;

12-ci turun “Turan Tovuz” – “Keşlə-2” oyununda “Keşlə-2” klubunun 33 nömrəli futbolçusu Emil Əliyev ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimələnir;

12-ci turun “Neftçi-2” – “Qarabağ-2” oyununda “Neftçi-2” klubunun 4 futbolçusu sarı vərəqə ilə cəzalandığı üçün klub 80 manat cərimə olunur;

“Qarabağ-2” klubunun 6 futbolçusu sarı vərəqə ilə cəzalandığı üçün klub 80 manat cərimə olunur;

“Qarabağ-2” klubunun 73 nömrəli futbolçusu Tolqar Yaqubov ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimələnir;

12-ci turun “Qaradağ Lökbatan” – “Sumqayıt-2” oyununda hakimlər isti su ilə təmin olunmadığı üçün meydan sahibi klub 80 manat cərimə olunur;

“Qaradağ Lökbatan” – “Sumqayıt-2” oyununda xərəkdaşıyan şəxslərin say limiti və topdaşıyan şəxslərin yaş həddi pozulduğu üçün meydan sahibi klub 80 manat cərimə olunur;

“Qaradağ Lökbatan” – “Sumqayıt-2” oyununda “Qaradağ Lökbatan” klubu AFFA nümayəndəsinin əsasnaməyə uyğun verdiyi göstərişləri (nəzarət buraxılışa diqqət etmək) yerinə yetirmədiyi üçün klub 80 manat cərimə olunur.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button