“Yeni bir ölkədə yeni dövrə başlamaq üçün doğru yoldayam” – Kovaç

“Monako”nun yeni baş məşqçisi Niko Kovaç açıqlama verib.

Komanda.az klubun rəsmi saytına istinadən xəbər verir ki, xorvatiyalı mütəxəssis, yeni klubu barədə bunları deyib:

“Bu, böyük bir layihədir. Bütün komanda ilə əlimizdən gələnin ən yaxşısını edəcəyik. Çalışmağa həvəsliyik və ümid edirəm ki, parlaq bir gələcək bizi gözləyir. Yeni bir ölkədə yeni dövrə başlamaq üçün doğru yoldayam. Fransa çalışdığım dördüncü ölkədir. “Monako”ya minnətdaram, məncə, bura mənim üçün ən doğru yerdir”.