Sabiq “Beşiktaş”lı klub prezidenti oldu

Rumıniyanın “Rapid” klubuna yeni prezident təyin olunub.

Komanda.az xəbər verir ki, Buxarest təmsilçisi bir ara Türkiyənin “Beşiktaş” və “Bursaspor” klublarının da uğurları üçün çalışmış Daniel Qabriel Pankuya həvalə olunub. Bu barədə sözügedən klubun rəsmi saytı məlumat yayıb.

Qeyd edək ki, Panku futbolçu karyerasının böyük hissəsini məhz “Rapid”də keçirib. O, 2018-ci ildən bu ilin mart ayına qədər bu komandanın baş məşqçisi də olub. O, bu postda Ovidiu Burkanı əvəz edib.

42 yaşlı Panku 2002-2006-cı illər aralığında oynadığı “Beşiktaş”la bu klubun 100-cü ilində Türkiyə çempionu adını qazanmışdı.