“Premyer Liqanın ən yaxşı qapıçısı Alisson Bekkerdir”

İngiltərənin “Arsenal” klubunun qapıçısı Bernd Leno açıqlama verib.

Komanda.az İngiltərə mətbuatına istinadən xəbər verir ki, 28 yaşlı qapıçı, Premyer Liqadakı ən yaxşı qolkiperin adını açıqlayıb:

“Mənim üçün bu, bəllidir. Premyer Liqanın ən yaxşı qapıçısı Alisson Bekkerdir. Onun hər cəhətdən yaxşı keyfiyyətləri var və statistikası da çox yaxşıdır. O, “Liverpul”un heyətində çoxlu yaxşı oyun keçirdi və mənim üçün hazırda ən yaxşı qapıçı olduğu bəllidir. “Liverpul” bu mövsümdə digər komandalarla müqayisədə daha az qol buraxıb və bu uğurun arxasındakı əsas şəxs Alissondur”.