“Öz oyunumuzu oynamalıyıq” – Valverde

“Barselona”nın baş məşqçisi Ernesto Valverde İspaniya La Liqasının 10-cu turundan təxirə salınmış “Real”la matçla bağlı fikirlərini bildirib.

Komanda.az xəbər verir ki, “Marca” nəşrinə danışan Valverde, mövsümün ilk “el klasiko”suyla bağlı bunları deyib:

“Real”ın necə oynamasından asılı olmayaraq öz oyunumuzu tapmalıyıq. Onların oyunla bağlı bir çox variantları olacaq, ancaq son qərarı məşqçiləri verəcək. Bütün bunlara baxmayaraq, öz oyunumuzu oynamalıyıq”.

Bu gün keçiriləcək “Barselona” – “Real” oyunu saat 23:00-da start götürəcək.