“Çelsi” və “Atletiko”un hədəfindəki bombardir

“Brentford”un hücumçusu İqor Tiaqo Avropanın top-klublarının diqqət mərkəzinə düşüb.

24 yaşlı forvard hazırda Premyer Liqanın bombardirlər siyahısında 21 qolla ikinci pillədə qərarlaşıb və “Mançester Siti”nin hücumçusu Erlinq Halanddan geri qalır.

Komanda.az ESPN-ə istinadən xəbər verir ki, braziliyalı futbolçu ilə bağlı artıq “Çelsi” və “Atletiko” rəsmi maraq göstərib. Gözlənilir ki, “Brentford” oyunçusu üçün təxminən 90 milyon avro tələb edəcək.

Tiaqo “Brentford”a 2024-cü ilin yayında, Belçika “Brügge”sindən 33 milyon avroya transfer olunub. O, cari mövsümdə bütün turnirlərdə 36 oyuna çıxıb, 24 qol vurub və 1 məhsuldar ötürmə verib.