Əsgərovun komandası 3 xalı 3 qolla qazandı

Futbol üzrə Latviya çempionatında 31-ci turun oyunları keçirilib.

Komanda.az xəbər verir ki, azərbaycanlı futbolçu Vüqar Əsgərovun formasını geyindiyi “Liepaya” da növbəti matçına çıxıb.

Sözügedən kollektiv doğma meydanda “Yelqava” ilə üz-üzə gəlib. Futbolçumuzun komandası bu oyundan qələbə ilə ayrılıb – 3:1.

Vüqar bu matçın iştirakçısı olmayıb. Cari mövsümdə 8 qol vuran futbolçumuz sonadək ehtiyatda qalıb.

“Liepaya” hazırda 32 xalla 9 komanda arasında 6-cı pillədə qərarlaşıb.