“Artıq futbol oynamaq istəmirdim”

“Mançester Yunayted”in mərkəz müdafiəçisi Lisandro Martines zədədən sağalarkən üzləşdiyi çətinliklərdən danışıb.

Komanda.az xarici KİV-ə istinadən xəbər verir ki, o, bunu söyləyib:

“İlk iki-üç həftəlik reabilitasiyadan sonra artıq futbol oynamaq istəmirdim. Əvvəlcə ayaq zədəm, sonra isə diz zədəm var idi. Həmin an öz-özümə dedim ki, “artıq oynamaq haqqında eşitmək istəmirəm”.

Argentinalı futbolçu 2025-ci ilin əvvəllərində çarpaz bağının yırtılması səbəbindən sıradan çıxıb və yalnız noyabr ayında meydana qayıda bilib. O, bu mövsüm “qırmızı şeytanlar”ın heyətində bütün yarışlarda 10 dəfə meydana çıxıb.