“Mançester Yunayted”dən 76,5 milyon avroluq transfer – Rəsmi

“Leyptsiq”in hücumçusu Benjamin Şeşko rəsmi olaraq “Mançester Yunayted”in oyunçusu olub.

Komanda.az xarici KİV-ə istinadən xəbər verir ki, 22 yaşlı forvard “qırmızı şeytanlar”la müddəti 2030-cu ilə qədər olan müqavilə imzalayıb.

Sloveniyalı futbolçunun transferi “Mançester Yunayted”ə 76,5 milyon avroya başa gəlib.

Bundan əlavə, İngiltərə klubu müqavilə şərtlərinə görə, daha 8,5 milyon avro bonus ödəyə bilər.