Super Liqada ilk turun üç oyunu təxirə salındı

Türkiyə Super Liqasının 1-ci turunda keçirilməsi planlaşdırılan üç oyun təxirə salınıb.

Komanda.az xəbər verir ki, bu barədə Türkiyə Futbol Federasiyasının (TFF) mətbuat xidməti məlumat yayıb.

“Fənərbağça” – “Alanyaspor”, “Kayserispor” – “Beşiktaş” və “Karagümrük” – “Başakşəhər” qarşılaşmaları başqa tarixdə keçiriləcək.

“Fənərbağça” UEFA Çempionlar Liqasının, “Beşiktaş” ilə “Başakşəhər” isə Konfrans Liqasının təsnifat mərhələsində çıxış edirlər.