Vinisius narahatdır

“Real”ın hücumçusu Vinisius Junior Səudiyyə Ərəbistanına köçəcəyinə şübhə edir.

Komanda.az “Marca”-ya istinadən xəbər verir ki, braziliyalı futbolçu transfer olacağı təqdirdə, imicinin zədələnəcəyindən narahatdır. Vinisius futbol nailiyyətləri əvəzinə pulu seçən oyunçu kimi etiketlənmək istəmir.

Onun Madrid klubu ilə hazırkı müqaviləsi 2027-ci ilin yayında başa çatacaq. “Real” onunla müqaviləni uzatmaq istəyir, ancaq hələlik yeni anlaşma ilə bağlı razılığa gələ bilməyib.

24 yaşlı forvard İspaniya çempionatının cari mövsümündə 17 oyun keçirib, 8 qol vurub və 5 məhsuldar ötürmə edib.