“Qarnaço bəzən “Mançester Yunayted”in sxeminə uyğun gəlmir”

İngiltərə millisinin və “Mançester Yunayted”in sabiq futbolçusu Rio Ferdinand “qırmızı şeytanlar”ın argentinalı oyunçusu Alexandro Qarnaçonun gələcəyi ilə bağlı fikirlərini bölüşüb.

Komanda.az BBC-yə istinadən xəbər verir ki, ingiltərəli keçmiş müdafiəçi, Qarnaçonun rəqib qapısına yol tapmaqda mahir olduğunu bildirib:

“Bu adamın böyük istedadı var. Qarnaço rəqib qapısına yol tapmaqda mahirdir. Ancaq bəzən o, komandanın sxeminə uyğun gəlmir. Onun transferi? “Mançester Yunayted”i tərk etməkdə israrlı olduğunu düşünmürəm”.

Daha əvvəl mətbuat 20 yaşlı vingerin “Napoli”yə keçə biləcəyini yazmışdı. O, bu mövsüm “qırmızı şeytanlar”ın heyətində 32 matçda iştirak edib, 8 qol vurub və 6 məhsuldar ötürmə verib.