PSJ-nin hücumçusu klubunu dəyişməyə hazırdır

PSJ-nin hücumçusu Randal Kolo-Muani qış transfer pəncərəsində klubu icarə əsasında tərk edə bilər.

Komanda.az xarici KİV-ə istinadən xəbər verir ki, fransalı futbolçunun özü daha çox oyun vaxtı əldə etmək üçün klubunu dəyişməyə hazırdır. İngiltərə Premyer Liqasının bəzi klubları hücumçu ilə maraqlanır. “Yuventus” da Kolo-Muanini transfer etməkdə maraqlıdır.

25 yaşlı futbolçu 2023-cü ildə 95 milyon avroya “Ayntraxt”dan (Frankfurt) PSJ-yə keçib. Onun Paris klubu ilə müqaviləsi 2028-ci ilə qədərdir. Kolo-Muani bu mövsüm bütün yarışlarda 10 matçda iştirak edib və 2 qol vurub.