Türkiyə klubu Arda Güləri icarəyə götürmək istəyir

“Real”ın 19 yaşlı yarımmüdafiəçisi Arda Gülər ​​Türkiyə çempionatına qayıda bilər.

Komanda.az “Todofichajes”-ə istinadən xəbər verir ki, türkiyəli yarımmüdafiəçinin transferində keçmiş klubu “Fənərbaxça” maraqlıdır. İstanbul klubu onu icarəyə götürmək istəyir.

“Transfermarkt” portalı Gülərin bazar dəyərini 45 milyon avro qiymətləndirir.

Arda ilə “Real” arasındakı müqavilə 2029-cu ilin iyun ayının sonunda başa çatacaq. O, İspaniya çempionatının cari mövsümündə 7 oyunda iştirak edib.