“Barselona” ilə matçda ilişib qalmamalısan” – “Bayern” rəsmisi

“Bayern”in idman direktoru Maks Eberl komandanın düzgün yolda olduğuna əmindir.

Komanda.az xarici KİV-ə istinadən xəbər verir ki, klub rəsmisi “Bayern”in Bundesliqada çox yaxşı çıxış etdiyini bildirib:

“Barselona” ilə matçda ilişib qalmamalısan. 1:4 hesabı ilə uduzduq, ikinci hissəni pis keçirdik, amma indi ardıcıl üç oyunda qol buraxmırıq. Belə hal 2020-ci ildən bəri baş vermir. Bu, addım-addım inkişaf etməli olduğumuzu göstərir. Yayda çox şey dəyişdi, yeni baş məşqçi dəvət etdik və fərqli futbol oynamağa başladıq. Bəzi aspektlərə uyğunlaşmalıyıq və komanda yaxşı iş görür. “Bayern” Bundesliqada çox yaxşı çıxış edir”.

Vensan Kompaninin komandası UEFA Çempionlar Liqasında “Barselona”ya uduzduqdan sonra (1:4) ardıcıl üç oyunda qol buraxmadan qələbə qazana bilib – “Bohum” (5:0), “Maynts” (4:0) və “Union” (3:0).