Qavi həkimlərdən razılıq alıb

“Barselona”nın yarımmüdafiəçisi Qavi çarpaz bağ nahiyəsindən aldığı zədədən sağalıb.

Komanda.az xarici KİV-ə istinadən xəbər verir ki, keçən ilin noyabrından oynamayan ispaniyalı futbolçu meydana qayıtmağa hazırdır.

Qavi həkimlərdən razılıq alıb. Komandanın çalışdırıcısı Hans-Diter Flik fiziki hazırlıq məşqçiləri ilə birgə tədricən 20 yaşlı yarımmüdafiəçini tam matç yüklərinə hazırlayacaq.

“Barselona” oktyabrın 20-də La Liqanın 10-cu turu çərçivəsində “Sevilya” ilə qarşılaşacaq. Komandanın məşqçilər heyətinin qarşıdakı matçda Qavini meydana buraxıb-buraxmayacağı hələ məlum deyil.

İspaniya çempionatının turnir cədvəlinə 24 xalla “Barselona” başçılıq edir.