“Arsenal”ın futbolçusu Türkiyə klubuna keçə bilər

“Arsenal”ın yarımmüdafiəçisi Jorjinyo karyerasını başqa çempionatda davam etdirə bilər.

Komanda.az “The Sun”-a istinadən xəbər verir ki, “Qalatasaray” italiyalı futbolçunu transfer etməkdə maraqlıdır.

Türkiyədə transfer pəncərəsi hələ də açıqdır və bu səbəbdən, tərəflər sövdələşməni yekunlaşdıra bilərlər.

Jorjinyonun İngiltərə klubu ilə hazırkı müqaviləsi gələn ilin yayında başa çatır.

32 yaşlı futbolçu İngiltərə Premyer Liqasında ötən mövsüm 24 matçda iştirak edib, 2 məhsuldar ötürmə verib.