“Yuventus” 2 futbolçusunu satmalıdır – Sançonun transferi üçün

Son vaxtlar “Mançester Yunayted”in cinah oyunçusu Ceydon Sançonun “Yuventus”a keçəcəyi haqda xəbərlər yayılıb.

Komanda.az “La Gazzetta dello Sport”-a istinadən xəbər verir ki, Turin klubu 24 yaşlı futbolçu üçün danışıqları davam etdirir. Üstəlik, bu transferi həyata keçirmək üçün “Yuve” iki futbolçunu – yarımmüdafiəçilər Artur Melo və Filip Kostiçi satmalıdır.

“Mançester Yunayted” Sançonun icarə müqaviləsinə 2025-ci ilin yayında məcburi satınalma variantının daxil edilməsini istəyir. “Qırmızı şeytanlar” danışıqlar prosesinin nəticələrindən sonra belə variant olmadan da icarəyə razılaşa bilər.