“Çelsi” “Mançester Yunayted”in futbolçusunu icarəyə götürmək istəyir

“Mançester Yunayted”in yarımmüdafiəçisi Ceydon Sanço karyerasını “Çelsi”də davam etdirə bilər.

Komanda.az xarici KİV-ə istinadən xəbər verir ki, londonlular futbolçunu icarəyə götürməkdə maraqlıdırlar. Tam transfer variantı da nəzərdən keçirilir. “Çelsi” müqaviləyə akademiyasının iki oyunçusunu daxil edə bilər.

Sanço 2021-ci ilin yayından “Mançester Yunayted”də çıxış edir. 24 yaşlı yarımmüdafiəçi “qırmızı şeytanlar”ın heyətində 83 oyun keçirib, 12 qol vurub və 6 məhsuldar ötürmə edib. O, 2023/24 mövsümünün ikinci hissəsini icarə əsasında Dortmund “Borussiya”sında keçirib.