“Yuventus”dan “Milan”a 3 milyon avroluq təklif

“Yuventus” fransalı müdafiəçi Pyer Kalilunun transferi ilə bağlı “Milan”la danışıqlara başlayıb.

Komanda.az xarici KİV-ə istinadən xəbər verir ki, Turin klubu fransalı futbolçunun icarəsi üçün “Milan”a 3 milyon avro təklif edib. “Yuve” müqaviləyə 14 milyon avro məbləğində satınalma variantını da daxil etmək istəyir. Bildirilir ki, Kalilu artıq bu keçidə razılıq verib.

24 yaşlı müdafiəçi 2020-ci ildən “Milan”da çıxış edir. O, ötən mövsüm bütün yarışlarda 11 oyuna çıxıb, zədə səbəbindən mövsümün böyük hissəsini buraxıb.

Kalilunun hazırkı klubu ilə müqaviləsi 2027-ci ilin iyun ayının sonuna kimidir.