Belçika millisinin üzvü 60 milyon avroya satıldı

Belçika millisinin yarımmüdafiəçisi Amadu Onana “Aston Villa”nın futbolçusu olub.

Komanda.az xəbər verir ki, bu barədə klubun mətbuat xidməti məlumat yayıb.

İngiltərə mətbuatı bu transfer üçün “Aston Villa”nın 50 milyon funt-sterlinq (təxminən 60 milyon avro) ödədiyini yazıb.

22 yaşlı futbolçu AÇ-2024-də Belçika millisinin heyətində 4 oyuna çıxıb.

Onana 2022-ci ildən “Everton”da çıxış edirdi. Ötən mövsüm yarımmüdafiəçi klubun heyətində bütün turnirlərdə 37 oyun keçirib və 2 qol vurub.