MS Rodrinin yerinə futbolçu axtarmağa başlayıb

“Mançester Siti”nin rəhbərliyi komandada müdafiəyəmeyilli yarımmüdafiəçi Rodri Hernandesi əvəz edəcək futbolçu axtarır.

Komanda.az “The Telegraph”-a istinadən xəbər verir ki, İngiltərə çempionunun hədəfində iki futbolçu var. Söhbət “Nyukasl”ın braziliyalı yarımmüdafiəçisi Bruno Gimarayeş və “Bayern”in futbolçusu Coşua Kimmixdən gedir.

Rodrinin “Mançester Siti”ni tərk edə biləcəyi xəbəri yayılıb. “Real” ispaniyalı futbolçu ilə maraqlanır.

28 yaşlı yarımmüdafiəçi İspaniya millisi ilə birlikdə Avropa çempionu olub. O, AÇ-2024-ün ən yaxşı futbolçusu seçilib.