Luis Enrike: “Mbappe ilə işləmək xoş idi”

PSJ-nin baş məşqçisi Luis Enrike Kilian Mbappe klubdan ayrılmazdan əvvəl keçirdiyi son ev oyunu haqda danışıb.

Komanda.az xarici KİV-ə istinadən xəbər verir ki, o, bunları deyib:

“Bugünkü oyunda nə baş verdiyini izah etmək çətindir. Biz “Tuluza”dan tamamilə geri qaldıq. Mbappe? Onunla işləmək xoş idi. O, nümunəvi oyunçudur”.

PSJ Fransa Liqasının 33-cü turu çərçivəsində “Tuluza”ya 1:3 hesabı ilə məğlub olub.

Paris komandası mayın 25-də Fransa kubokunun finalında “Lion”a qarşı oynayacaq.