ÇL: Noyer “Arsenal”la matçda iştirak edəcək?

“Bayern”in məşq zamanı zədələnən qapıçısı Manuel Noyerin Çempionlar Liqasının 1/4 finalında “Arsenal”a qarşı ilk oyunda meydana çıxacağı gözlənilir.

Komanda.az xəbər verir ki, bu barədə “Sky Sport” məlumat yayıb.  

Oyun aprelin 9-da baş tutacaq və Londonda keçiriləcək.

Noyer 2022-ci ilin dekabrında ayağını qırıb, bundan sonra ötən payıza kimi sağalıb.

38 yaşlı qolkiper bu mövsüm bütün turnirlərdə 24 oyun keçirib, 9 dəfə qapısını toxunulmaz saxlaya bilib.

Noyerin “Bayern”lə hazırkı müqaviləsi 2025-ci ilin yayına qədərdir.