“İndi ən vacib olan nəticədir” – Alleqri

“Yuventus”un baş məşqçisi Massimiliano Alleqri komandasının İtaliya A Seriyasının 31-ci turunda “Fiorentina” üzərində qələbəsini (1:0) şərh edib.

Komanda.az “Football Italia”-ya istinadən xəbər verir ki, o, oyunda bir çox şans yaratdıqlarını söyləyib:

“Daha yaxşı olmaq üçün hər gün çalışırıq. Psixoloji məqamlar da var, axı biz uzun müddətdir ki, A Seriyasını qazana bilmirik. İlk hissədə heç nə bizi narahat etmirdi. Üç qolumuz santimetrdən kənar vəziyyətə görə ləğv olundu, ikinci hissədə də qol imkanları yaratdıq.

Bəli, texniki səhvdən sonra matçın sonunda qol buraxmaq riskinə düşdük, amma futbolçuları qınamazdım. Onlar yaxşı mövsüm keçirmirlər, mümkün qədər çox xal toplamaq üçün hər şeyi edirik. 90 dəqiqə topa sahib olmaq, 30 zərbə vurmaq istəyirik, amma heç kimin xəyallarında belə, buna nail ola biləcəyini düşünmürəm. İndi ən vacib olan nəticədir. Fasilədə 2:0 öndə olmalıydıq. İkinci qolu da vurmalı idik. Əks-hücumlar nəticəsində şanslarımız oldu və onlardan daha yaxşı istifadə edə bilərdik”.

“Yuventus” 31 oyundan 62 xalla A Seriyasının turnir cədvəlində üçüncü yerdədir. “Fiorentina” 30 oyundan 43 xalla 10-cu pillədə qərarlaşıb.