“Hazırda “Real” “Mançester Siti”dən qat-qat pisdir” – Keçmiş futbolçu

“Liverpul”un keçmiş müdafiəçisi, futbol mütəxəssisi Cimi Karrager “Real”ın “Leyptsiq”lə Çempionlar Liqasının 1/8 final mərhələsinin iki oyunundakı çıxışını dəyərləndirib.

Komanda.az “CBS Sports”-a istinadən xəbər verir ki, keçmiş futbolçu “Real”ın Avropanın ən yaxşı komandaları arasında olmadığını bildirib:

“Leyptsiq” hər iki matçda əla idi, onlar üstünlük təşkil edirdilər və daha yaxşı oynadılar. Sadəcə, “Santyaqo Bernabeu”nun aurası onların irəliləməsinə imkan vermədi. “Real”ın belə çıxışı ÇL-də qələbə uğrunda mübarizədə yaxşı heç nə vəd etmir.

Hazırda “Real” “Mançester Siti”dən qat-qat pisdir. Və bəlkə, hətta “İnter” və “Arsenal”dan da. Əminəm ki, onlar irəliləyəcəklər, lakin hazırda “Real” Avropanın ən yaxşı komandaları arasında deyil”.