Azərbaycan badminton millisinin beynəlxalq turnir üçün heyəti açıqlanıb

Azərbaycan badminton millisinin “Azerbaijan International 2024” turniri üçün heyəti açıqlanıb.

Komanda.az xəbər verir ki, yığmanın 19 üzvü yarışda qüvvəsini sınayacaq.

Onlardan 8-i kişi, 11-i isə qadın badmintonçudur. Millinin heyətində Aqil Qəbilov, Rəvan Niftaliyev, Vaqif İsmayılov, Əli Gözəlov, Diki Pangestu, Cahid Əlhəsənov, Sərxan Bağırov, Edi Reski Dviçayo, Keişa Fatimə Zəhra, Leyla Camalzadə, Həcər Nuriyeva, Era Maftuha, Fatimə Həsənzadə, Nigar Səmədova, Əminə İsmayılova, Aysu Kərimzadə, Viktoriya Kumanyayeva, Nəzrin Mehrəlizadə və Nərmin Hüseynova 5 kateqoriyada çıxış edəcəklər.

“Azerbaijan International 2024” turniri fevralın 8-11-i aralığında Bakı İdman Sarayında keçiriləcək.